PAWÒL ASWÈ NAN TAN LONTAN - BLAG AK KONT LAKAY
chache, konsève, pataje, epi transmèt eritaj oral ayisyen an ak tout jenerasyon.
.
“Pawòl Aswè nan Tan Lontan : Blag ak Kont Lakay” se yon espas kiltirèl ki
fèt pou chache, konsève, pataje, epi transmèt eritaj oral ayisyen an ak tout jenerasyon.
Nan tan lontan pat gen kouran, ni televizyon, ni telefòn. Chak aswè, depi pa gen lapli, tout moun te konn reyini, sa ki chita, sa ki ret kanpe, e sa ki apiye sou miray, nan fènwa oswa anba lalin, granmoun e jèn te konn rakonte istwa, bay blag, fè tout moun ri, tresayi, sezi e fè timoun ki te la, pè pou yal dòmi.
Objektif paj sa a se :
- Konsève tras blag ak kont sa yo, pou yo pa disparèt
- Pèmèt jèn ak timoun, ni an Ayiti ni aletranje, dekouvri fason granmoun te konn pase konesans, imajinasyon ak plezi.
- Pèmèt granmoun sonje, reviv, epi pataje plezi yo te konn pran nan aswè nan tan lontan.
- Mete yon achiv vivan memwa kolektif pèp ayisyen.
nen pran sant, tÈt peye sa !
Yon Tounen ki pa avèg, yon griyo ka'p disparèt, ak yon branch bwa ki t ap tann… An'n tande koze mezanmi !
BÒKÒ TIKRIKÈT
Kont sa a pale de istwa yon jèn gason ki pran pòz bòkò'l. Bagay te fè'l manke pèdi lavi li paske li te pran nan yon cho ak yon Wa. Ann tande kisa ki sove'l a chak fwa.
tOU SA ... POU YON RAMYE !
Gen kote la lwa difisil pou yon moun respekte. Men lè se ou ki la pou'w fè respekte la lwa, gen yon jan pou'w ye. Vinon tande sa'k rive 2 polisye sa yo mezanmi.
